Sot (e diel) në mbrëmje do të zhvillohet finalja e “Prishtina Open 2024” në pingpong.
Pas qindra ndeshjeve të realizuara gjatë këtij vikendit në turneun ndërkombëtar të pingpongut Prishtina Opën 2024, në orën 20:00 do të zhvillohet finalja e seniorëve në kategorinë e meshkujve, për të përcaktuar fituesin e këtij turneu madhështor.
Në këtë turne të zhvilluar në standarde të nivelit evropian, ku garuan afro 300 lojtarë nga 20 shtete, klubi i pingpongut Priping e dëshmoi edhe njëherë se janë të mundshme organizimet e kualitetit botërorë edhe në qytetin tonë.
Prishtina si qytet evropian i sportit 2024, ishte nikoqir i dhjetra shteteve të cilët garuan nga data 7 deri 9 qershor në Pallatin e Rinisë.
Në mbrëmje do të keni mundësinë të shihni ndeshjen finale e cila do të fillojë në ora 20:00, në Pallatin e Rinisë në Prishtinë./Telegrafi/