Ole Gunnar Solskjaer është deklaruar rreth humbjes 1-0 që pësoi Manchester United ndaj Bournemouthi në kuadër të javës së 11-të në Ligën Premier.
Trajneri i Djajve të Kuq ka thënë se ai duhej të zgjidhte një formacion më ndryshe ndaj kundërshtarëve që fituan tri pikë shumë të rëndësishme.
“Jemi të zhgënjyer. Kur ju jeni në një pozicion të tillë, duhet ta kontrolloni ndeshjen”, ka thënë Solskjaer pas ndeshjes.
“Ne ishim shumë të mirë në 15 minutat e parë, por aty më pas kishte mungesë të kualitetit dhe nuk arritëm të shënonim gol”.
“Goli i parë do të ishte mjaftë i rëndësishëm po ta shënonim, por kur ju pranoni të parët, atëherë do të jetë më e vështirë për ju”, ka shtuar më tej trajneri i Djajve të Kuq.
United aktualisht gjendet në vendin e dhjetë me 13 pikë, e që rrezikojnë që në sezonin e ri të mbetën jashtë Ligës së Evropës, derisa janë larg futjes në zonën që shpien për në Ligën e Kampionëve. /Telegrafi/