Menaxheri i Manchester Unitedit, Ole Gunnar Solskjaer ishte i zhgënjyer që ekipi i tij nuk kishte zgjidhje për problemet e hasura në humbjen tronditëse 2-1 ndaj Sheffield United në shtëpi.
Djajtë e Kuq humbën mundësinë për të kapërcyer rivalët e titullit të Ligës Premier, Manchester Cityn, në krye të tabelës pasi pësuan një humbje të befasishme në Old Trafford duke prishur serinë prej 13 ndeshjeve pa humbje.
Lojtarët e Solskjaer u mundën nga golat e Kean Bryan në pjesën e parë dhe një nga Oliver Burke në pjesën e dytë. Barazimi me kokë i kapitenit Harry Maguire nuk ishte i mjaftueshëm për të siguruar pikë për Unitedin.
Solskjaer pas ndeshjes u ankua në mbrojtjen e ngathët të ekipit, që kontribuoi në humbjen e papritur.
“Ishte zhgënjyese. Nën nivelin më të ulët, natyrisht. Kemi filluar mirë, por më pas kemi pranuar golin nga sulmi i parë, nga një goditje këndi”, ka thënë fillimisht Solskajer.
“Ne e kishim të gjithë posedimin, por kur pranon dy gola të këqij do të jetë gjithmonë e vështirë”.
“Nuk krijuam sa duhet. U bëmë presion atyre, por nuk mund të depërtonim sa duhet pas tyre dhe të krijonim mjaftueshëm mundësi të mëdha për të shënuar gola të mjaftueshëm”.
“Neve nuk na mungonte frymëzimi, na mungonte magjia. Nuk kishte hapësirë për t’u ndeshur, ata mbrojtën mirë dhe bën lojë të mirë”.
“Ne nuk kishim idetë ose zgjidhjet e duhura. Niveli i performancës nuk ishte i duhuri, tempo nuk ishte, cilësia nuk ishte”.
“Kishte hapësira që nuk i përdornim dhe shanse që mund të kishim bërë më shumë në pjesën e parë, por, kur je 0-1, gjithmonë je duke ndjekur ndeshjen”.
“Ata u kthyen thellë mbrapa dhe u mbrojtën vërtet mirë. Duhet të jem mjaft i drejtë për të thënë që ata mbrojtën shumë mirë dhe ne nuk kishim zgjidhje për t’i hapur ato”, përfundoi trajneri i Unitedit. /Telegrafi/