Autoritetet franceze do të ndërmarrin masa shtesë të sigurisë për ndeshjen ndërmjet Francës dhe Rusisë që zhvillohet të martën në Stade de France.
Ndeshja miqësore do të ndiqet edhe nga snajperë, të cilët do të ofrojnë siguri maksimale për të parandaluar ndonjë sulm eventual.
Konfirmimin për praninë e snajperëve e ka bërë zyrtari i lartë në kryeqytetin francez, Laurent Simonin. “Snajperët do të vendosen përreth stadiumit”, ka thënë ai për BFM-TV.
Në nëntorin e kaluar, Parisi ishte shënjestër e sulmeve terroriste, ndërsa në afërsi të stadiumit ku asokohe u zhvillua ndeshja ndemjet Les Bleus dhe Gjermanisë, pati shpërthime.
Nga sulmet terroriste humbën jetën 130 njerëz. /Telegrafi/