Heroic dhe 9INE janë dy skuadrat e para nga turneu RMR i Evropës B, që kanë siguruar pjesëmarrjen në Majorin e CS:GO në Paris.
Të dyja skuadrat janë treguar fantastike gjatë kësaj faze kualifikuese, duke kaluar direkt në fazën ‘Legends Stage’ të BLAST Paris Major.
Ato realizuan nga tri fitore pa humbje, ku më së shumti ka befasuar ekipi polak 9INE.
9INE kanë mposhtur disa nga skuadrat favorite të këtij Majori, G2 dhe Vitality, gjithashtu kanë fituar edhe ndaj ekipit gjerman BIG.
Ndërsa Heroic kanë mposhtur skuadra si Aurora, 500 dhe Monte në ndeshjen vendimtare.
Deri më tani direkt në fazën “Legends Stage” janë kualifikuar këto skuadra: Na’Vi, fnatic, Into the Breach, Bad News Eagles, FURIA, Heroic dhe 9INE.
/Telegrafi/