Ivan Toney ka folur për kohën e tij të vështirë gjatë ndalimit të tij nga futbolli. Ai ka rrëfyer se nuk ka parë asnjë ndeshje pasi ka humbur pasionin për lojën.
Pas një pezullimi tetë muajsh për shkelje e rregullores së lojërave të fatit, Toney do të rikthehet në Ligën Premier më 17 janar.
Ai shfaqi aftësitë e tij me një hat-trick në një ndeshje për të rinjtë më 6 janar.
Edhe pse ai është i etur për t’u rikthyer të luajë, Toney pranoi për Mirror se ai luftoi me një periudhë të shkurtër të mos ndierjes së dashurisë për futbollin, ndërsa ishte i detyruar të qëndronte jashtë.
“Unë nuk kam shikuar futboll. Nuk kam shikuar asnjë ndeshje për një kohë. Në një farë mënyre e kam ndëshkuar veten. Ka qenë një fazë që ndoshta më ka rënë dashuria për futbollin. Kjo është ajo që është”, ka deklaruar ai.
Brentford ka qëndruar pranë Toneyt gjatë ndalimit të tij nga federata angleze dhe është i emocionuar që lojtari i tyre të kthehet në fushë.
Kur u pyet se çfarë do t’i thotë vetes në tunel para ndeshjes së parë të kthimit, ai u përgjigj: “Ke gjëra për të bërë. Shiko këtë hapësirë dhe le të shohim se çfarë do të ndodhë”. /Telegrafi/