Telegrafi

Skuadra e La Ligës i ofron lojtarit ‘kontratën më të gjatë në histori’ vetëm disa ditë pasi ylli njoftoi largimin

Shkumbin Pireva

Sevilla i ka ofruar anësorit Jesus Navas kontratën më të gjatë të mundshme vetëm disa ditë pasi u njoftua se ikona e klubit do të largohej në fund të sezonit.

Të enjten, reprezentuesi spanjoll, i cili ka fituar Kupën e Botës dhe dy kampionate evropiane në karrierën e tij, informoi bashkëlojtarët dhe stafin e trajnerit se do të largohej nga Sevilla pas 21 vitesh.

38-vjeçari e filloi karrierën e tij në Sevilla përpara se të bashkohej me Manchester City në 2013, duke fituar Ligën Premier në sezonin e tij të parë atje. Katër vjet më vonë ai u kthye në klubin e tij të lindjes, duke luajtur një rol kryesor teksa ata fituan Ligën e Evropës në vitin 2019 dhe 2022.

Dhe pavarësisht se lojtari njoftoi largimin e tij për tifozët në një video të përlotur në mediat sociale, presidenti i Sevillas, Jose Maria del Nido Carrasco që atëherë ka dalë dhe i ka ofruar Navas një kontratë “të përjetshme” me klubin.

 

Carrasco pohoi se Navas mund të luante për klubin për aq kohë sa dëshironte dhe do t’i ofrohej një punë në klub, pas daljes në pension.

“Sa herë që kam folur me mediat që kur jam bërë president, gjithmonë kam thënë se koha për rinovimin e kontratave do të jetë në fund të sezonit”.

“E kaluara është në të kaluarën, por duke e ditur që Jesus nuk ka një marrëveshje me asnjë klub tjetër dhe se ai është pjesë e përjetshme e këtij klubi, ne mund të presim me padurim një rinovim të verës si në vitin 2013”.

“Jesus Navas është një pjesë kyçe e klubit dhe projektit tonë aktual. Nëse jemi në gjendje të ulemi me të dhe të flasim për gjërat, shpresojmë se mund ta përmirësojmë situatën”.

“Unë do të doja t’i ofroj atij një kontratë të përjetshme në mënyrë që ai të vazhdojë të luajë këtu për aq kohë sa të dojë. Nëse ai vendos t’i përmbahet vendimit të tij, ne sigurisht që do ta respektojmë atë dhe do të bëjmë gjithçka që mundemi në mënyrë që ai të largohet”

“Por unë shpresoj që Jesus të qëndrojë. Ai e meriton dhe ne mund t’i japim atë që dëshiron në këtë pikë të karrierës së tij”, ka thënë presidenti i Sevillës.

Disa orë pas kësaj deklarate, Sevilla ka njoftuar se Jesus ka pranuar ofertën.

“Presidenti i Sevilla FC, Jose Maria del Nido Carrasco dhe Jesus Navas kanë rënë dakord këtë të shtunë në mëngjes për të rinovuar kontratën deri më 31 dhjetor 2024, datë në të cilën lojtari i ri do të largohet nga fushat e lojës për të për të punuar në klub gjithë jetën në pozicionin e zgjedhur”, thuhet në njoftim. /Telegrafi/