Dy shpërthime përgjatë rrjetit kryesor të gazsjellësit jug-veri të Iranit, të mërkurën u shkaktuan nga sabotazhi, tha ministri iranian i naftës për televizionin shtetëror, pa përmendur asnjë të dyshuar.
Siç raporton Reuters, autoritetet mohuan gjithashtu raportet se incidenti shkaktoi ndërprerje të gazit në industri dhe zyra në disa provinca, transmeton Telegrafi.
“Ky akt terrorist sabotimi ndodhi në orën 1 të mëngjesit të mërkurën në rrjetin e tubacioneve kombëtare të gazit në dy rajone të vendit”, tha ministri Javad Owji.
“Vetëm fshatrat pranë tubacionit të dëmtuar po përjetonin ndërprerje të gazit, të cilat do të rregullohen më vonë sot”, shtoi Owji.
Kufizimet e përkohshme ishin planifikuar përpara për mirëmbajtjen, raportoi media shtetërore.
Owji vuri në dukje një incident të ngjashëm që ndodhi në vitin 2011, për të cilin ai tha se ishte një akt sabotimi që shkaktoi ndërprerje të përkohshme të gazit në katër rajone të ndryshme në vend.
Ndërsa sulme të tilla janë të rralla në Iran, militantët separatistë arabë në Iran pretenduan në vitin 2017 se kishin hedhur në erë dy tubacione nafte në sulme të koordinuara në provincën perëndimore Khuzestan të vendit. /Telegrafi/
Two explosions struck gas pipelines in Iran early Wednesday in an act of “terrorism and sabotage” that disputed gas supplies in three of the country’s provinces, locaL media reported.#explosion #Iran pic.twitter.com/JiMi0D2tQm
— shivanshu tiwari (@shivanshu7253) February 14, 2024