Kamil “siuhy” Szkaradek rikthehet tek organizata MOUZ.
Pasi udhëhoqi skuadrën e akademisë së MOUZ drejt katër titujve të WePlay Academy League, siuhy tani është rikthyer për ta udhëhequr skuadrën kryesore të organizatës.
Siuhy është larguar nga GamerLegion për ta zënë rolin e kapitenit tek MOUZ në vend të dexter.
Pas përfundimit në vendin e dytë bashkë me skuadrën GamerLegion në Majorin në Paris, siuhy është bërë njëri ndër kapitenët më të kërkuar në skenën e CS:GO.
Siuhy ka pasur oferta nga skuadra të ndryshme profesionale, por siç duket ai ka vendosur të rikthehet tek shtëpia e tij e parë, MOUZ.
The story continues… pic.twitter.com/KkxheukfWY
— MOUZ (@mousesports) July 3, 2023
Pas ardhjes së siuhy, MOUZ tani numëron gjithsej katër lojtarë, dhe së shpejti pritet të mësohet edhe lojtari i pestë i formacionit kryesor.
Gjithashtu thuhet se nga skuadra mund të largohet edhe snajperisti torzsi. /Telegrafi/