Studentët shpeshherë mund të bëjnë pyetje vetes se çfarë duhet të bëjnë që t’i mbajnë mend gjërat që i lexojnë?
Në rrjetin social Quora në të cilin shtrohen pyetje të ndryshme natyrisht që është parashtruar edhe kjo, transmeton Klan Kosova.
Shumë përdorues të këtij rrjeti kanë treguar eksperiencat e tyre personale se si kanë arritur t’i mbajnë në mend gjërat që i kanë lexuar.
Më poshtë mund t’i lexoni disa nga mënyrat që mund t’i praktikoni gjatë kohës sa lexoni, në mënyrë që t’i mbani mend gjërat pasi mbyllni librin.
Mbani shënime
Kurrë mos lexoni, pa pasur një laps me vete. Nënvizoni gjërat që ju duken interesante dhe të rëndësishme.
Pyetni veten rreth materialit
Nëse po lexoni një libër mos harroni që herë pas here t’ia bëni vetes pyetjen se për çfarë bëhet fjalë.
Ndani informacionet me të tjerët
Psikologu, Peter Doolitle, ka thënë që në rast që dëshiron të mbani në mend gjërat që lexoni atëherë është e rëndësishme t’i përsëritni ato informacione me të tjerët.
Lexoni me zë
Tek disa persona mund të jetë shumë efektive që të lexojnë me zë gjërat që janë në libër. Mirëpo mos e praktikoni këtë gjë përderisa jeni në biblotekë!