Edhe pse njerëzit të cilët kanë probleme materiale ua kanë lakmi të pasurve, do të duhej të dinë që ata shpesh nuk janë të lumtur
Kur është fjala për paranë, vlen rregulla që sa më shumë që të kesh, shpenzimet janë më të mëdha, andaj të pasurit në çast bëhen të varfër. Dhe fillojnë të ankohen , transmeton Telegrafi.
Britaniku Cyril Northcote Parkinson para më shumë se gjysmë shekulli ka treguar si funksionon ligji i Parkinsonit dhe përse ai patjetër duhet të thyhet në mënyrë që njerëzit të kenë mjaftueshëm para.
Sipas atij ligji, sado që njerëzit të fitojnë, janë të prirë t’i shpenzojnë të gjitha, madje edhe më shumë seç kanë, sepse shpenzimet e tyre rriten bashkë me të ardhurat.
Kështu hyjnë në borxhe, sëmuren nga stresi dhe vrapimi pas parave. Dhe paratë kurrë nuk janë të mjaftueshme.
Ai ka theksuar që pavarësia financiare rezulton pikërisht nga thyerja e ligjit të Parkinsonit.
Esenca është vetëm kur njeriu zhvillon forcë të mjaftueshme dhe vullnet që t’i kundërvihet instinktit që të shpenzojë të gjitha që i fiton, fillon të grumbullojë para dhe të dallohet nga shumica.
Konkluzioni i dytë është ky – nëse lejon që shpenzimet e tij të rriten më ngadalë se të ardhurat, në mënyrë që të kursejë apo të investojë atë dallim, do të bëhet financiarisht i pavarur.
Vetëm duhet patjetër të luajë me mençuri në shtigje të gjata. /Telegrafi/