Site icon Telegrafi

Si filloi sulmi iranian në Izrael, videot që e tregojnë në detaje

Burim Tmava

Frika po rritet për një luftë më të gjerë në Lindjen e Mesme pasi Irani gjuajti rreth 200 raketa balistike në Izrael mbrëmë.

Teherani tha se sulmi ishte në përgjigje të vrasjes së udhëheqësve militantë nga Hezbollahu dhe Hamasi, kurse Izraeli është zotuar të përgjigjet.

Kishte një shkëlqim portokalli ndërsa raketat e lëshuara nga Irani ‘shqyen’ qiellin e natës, transmeton Telegrafi.

Ekipi i Sky News pranë kufirit të Izraelit me Sirinë, përfshirë redaktoren e sigurisë dhe mbrojtjes, Deborah Haynes, u gjend direkt nën rrugën e breshërisë së raketave dhe duhej të mbulohej.

Disa njerëz kapën pamjet e sulmit nga toka në Izrael, me shpërthime të forta të dëgjuara ndërsa disa goditën objekte tw ndryshme.

Turmat në Gaza brohoritën teksa shikonin raketat iraniane që fluturonin lart drejt Izraelit.

Zëdhënësi i IDF-së, Daniel Hagari tha se Irani kreu një akt të rëndë dhe u zotua se “do të ketë pasoja”.

Ndërkohë, Benjamin Netanyahu tha se Irani do të paguante një çmim për sulmin e tij, duke thënë se “bëri një gabim të madh sonte”. /Telegrafi/

Exit mobile version