Parlamenti serb është tronditur nga tensione dhe dhunë, pasi deputetët e opozitës hodhën granata tymuese dhe gaz lotsjellës brenda sallës parlamentare. Këto veprime erdhën si shenjë proteste kundër politikave të qeverisë dhe për të shprehur mbështetjen e tyre ndaj studentëve protestues.
Demonstratat, të cilat fillimisht u nxitën nga shembja fatale e një çatie në një stacion treni – ngjarje që mori jetën e 15 personave katër muaj më parë – janë shndërruar në sfidën më të madhe për qeverinë serbe.
Aktualisht po ndodh kaos në Kuvendin e Serbisë, ku gjatë seancës së sotme deputetët e opozitës kanë ndezur flakadanë dhe kanë gjuajtur deputetët e shumicës me vezë dhe shishe, shkruan nova.rs.
Siç shihet në pamjet që po qarkullojnë në rrjetet sociale, duket se në këtë kaos deputeti Pegja Mitroviq nga Partia Liri dhe Drejtësi (SSP) është drejtuar në mënyrë agresive ndaj funksionarit të Partisë Progresive Serbe (SNS), Milenko Jovanov.
Në një video të publikuar në rrjetin X, shihet se Pegja Mitroviq është përplasur me Milenko Jovanovin, ndërsa pas tij po afroheshin edhe deputetët Dragan Gjilas dhe Pavle Grboviq.
Në seancë, parlamenti pritej të miratonte një ligj për rritjen e fondeve për universitetet, një nga kërkesat kryesore të studentëve që kanë bllokuar fakultetet që nga dhjetori.
Gjithashtu, në rendin e ditës ishte dhe vënia në dukje e dorëheqjes së kryeministrit Millosh Vuçeviq, por disa pika të tjera të propozuara nga koalicioni qeverisës shkaktuan reagimin e ashpër të opozitës. /Telegrafi/
Sta se ovo desava sa nasom opozicijom, za ciji gros ovo rade?
Nikada necu shvatiti zasto su ovi ljudi toliko protiv Srbije i ne zele njen napredak. #skupstina pic.twitter.com/wB45MHTjEA— Milica Maric (@MilicaM21047132) March 4, 2025