Sot rreth orës 13, në objektin ku ndodhet Stacioni i autobusëve në Sarajevë të Bosnje-Hercegovinës ka ndodhur një shpërthim, i cili ka shkaktuar edhe zjarrin ku ka mbetur i lënduar një person.
Klix.ba. raporton se një person ka kërkuar ndihmë mjekësore dhe është transportuar menjëherë në Klinikën Emergjente të Mjekësisë QKUS. Aktualisht po përcaktohet shkalla e lëndimeve, pas së cilës do të bëhet e ditur gjendja shëndetësore e të lënduarit.
Punonjësi i “Pasha Donerit” dyshohet se është plagosur dhe pas rënies së zjarrit.
Zjarri ka shumë gjasa të jetë shkaktuar nga shpërthimi i bombolave të gazit, por pas shuarjes së plotë të zjarrit do të vijojë hetimi i policisë, i cili do të përcaktojë me saktësi shkakun.
Duke gjykuar nga fotot dhe pamjet nga vendi i ngjarjes, nga zjarri është shkatërruar një varg i tërë objektesh brenda stacionit të autobusëve, ku ka një dyqan, bastore dhe restorant të ushqimit të shpejtë. /Telegrafi/
