Telegrafi

Shtirej si invalid në karrocë dhe kërkonte lëmoshë në qendër të Beogradit, policia e zë mashtruesin – e detyrojnë edhe të ngritet në këmbë

Në qendër të qytetit të Beogradit në Serbi është regjistruar një skenë e pazakontë.

Pjesëtarët e njësisë speciale janë ndalur para një djali të ri që kërkonte lëmoshë, e në shikim të parë dukej sikur nuk e ka gjysmën e njërës këmbë duke qëndruar i ulur në karrocën e invalidëve, transmeton Telegrafi.

Megjithatë në fund u konstatua se ai ishte thjesht një mashtrues, i cili shtirej kinse është invalid dhe kërkonte lëmoshë nga kalimtarët e rastit.

I riu që pretendon se është nga Pançeva, u thoshte qytetarëve se është invalid, por policët e kishin përcjellë dhe vërejtur se ai thjesht po mashtron dhe po përfiton të mira materiale nga kalimtarët.

“Ngritu në këmbë”, dëgjohet një polic duke i thënë. E pa kaluar shumë sekonda i riu ngritet në këmbë dhe nxjerr këmbën që e kishte fshehur në karrocë.

Ata madje e urdhërojnë që të zhvesh rrobat e papastra dhe të nxjerr nga xhepi portofolin e madh që e kishte fshehur. /Telegrafi/