Shtatë persona u vranë në dy përleshje të ndara në Kashmirin e kontrolluar nga India, një ditë përpara vizitës së kryeministrit, Narendra Modi në rajonin e diskutueshëm.
Një përleshje me armë shpërtheu në periferi të qytetit jugor Jammu pasi policia dhe ushtarët panë një grup personash të armatosur në Sunjwan.
Gjashtë rebelë të dyshuar dhe një oficer paraushtarak u vranë ndërsa dy oficerë policie kanë pësuar plagë të rënda.
Përleshja ngjau në zonën ku në vitin 2018 mbetën të vdekur pesë ushtarë dhe një civil, raporton aljazeera.
Rreth 15 km nga qyteti Sunjwan, Modi është planifikuar të flasë të dielën në ngjarjen e parë publike në rajonin e diskutueshëm që kur New Delhi i hoqi statusin gjysmë autonom në vitin 2019 dhe e ndau atë në dy territore.
Qeveria indiane tha se masa për të ndryshuar statusin e Kashmirit u bë për të integruar rajonin me shumicë myslimane me pjesën tjetër të vendit në mënyrë që të sillte zhvillim. /Telegrafi/