Komisioni i Disiplinës i LFP (Liga e Futbollit Profesional), i mbledhur këtë të martë, ka dhënë dënimët për sfidën, PSG- Marseille.
Ndeshja u mbyll me fitoren e mysafirëve 1-0, por në fund të takimit pati përplasje masive mes futbollistëve të të dyja skuadrave.
Në fund të ndeshjes u përjashtuan pesë lojtarë, tre të PSG dhe dy të Marseille.
Komisioni ka vendosur të pezullojë për gjashtë ndeshje futbollistin e parisienëve Layvin Kurzawa, tri ndeshje Jordan Amavi (Marseille), dy ndeshje Neymar dhe Paredes dhe një ndeshje Benedetto (OM).
Çështja “Alvaro” (Neymar e akuzoi për racizëm) është nën hetim, ndërsa Di Maria do të thirret për të dëshmuar të mërkurën e ardhshme.
Ai akuzohet se ka pështyrë Alvaro Gonzalezin. /Telegrafi/