Nesër (e shtunë) fillon turneu i CS:GO, Shqip Winter 2022, ku do të marrin pjesë skuadrat shqiptare për grupin e çmimeve që arrin vlerën rreth 2.000 euro.
Në këtë turne kanë të drejtë pjesëmarrje 128 skuadra me pesë lojtarë shqiptar, ku do të garojnë ndaj njëra tjetrës për dy ditë radhazi.
Pesë raundet e para të turneut do të zhvillohen në formatin ‘Bo1’, ndërsa tutje do të vazhdojnë në formatin ‘Bo3’.
Për tri vendet e para do të shpërndahen çmime, ku 1.000 dollarë shkojnë për vendin e parë, 600 për vendin e dytë dhe 400 vendi tretë, mundësuar nga platforma e famshme FACEIT.
Ndeshjet do të transmetohen në kanalin shqip_gg në platformën Twitch, duke filluar nesër (e shtunë) nga ora 14:00. /Telegrafi/