Një nga portat e hyrjes në aeroportin e Kabulit është goditur nga një shpërthim i madh vetëm disa orë pasi agjencitë e inteligjencës perëndimore paralajmëruan për një kërcënim të afërt terrorist.
Këtë e ka konfirmuar sekretari i shtypit të Pentagonit, John Kirby përmes një mesazhi në rrjetin social Twitter.
“Ne mund të konfirmojmë një shpërthim jashtë aeroportit të Kabulit. Për momentin nuk kemi informata rreth viktimave. Ne do të japim detaje shtesë kur të mundemi”, tha Kirby.
We can confirm an explosion outside Kabul airport. Casualties are unclear at this time. We will provide additional details when we can.
— John Kirby (@PentagonPresSec) August 26, 2021
Ngjarja duket se ka ndodhur në Portën e Abacisë në aeroportin ndërkombëtar, e cila u pasua pas të shtënave me armë dhe erdhi ndërsa disa vende perëndimore njoftuan përfundimin e fluturimeve të tyre të evakuimit duke cituar një kërcënim akut të një sulmi ndoshta brenda pak orësh.
Presidenti amerikan, Joe Biden është informuar për shpërthimin jashtë aeroportit të Kabulit, tha një zyrtar i Shtëpisë së Bardhë.
Burimet e mbrojtjes britanike besojnë se nuk ka viktima ushtarake pas shpërthimit pranë hotelit Baron – ndikimi mbi civilët ende nuk është i qartë.
Ndryshe, ministri i Forcave të Armatosura të Britanisë së Madhe, James Heappey, gjatë ditës kishte paralajmëruar se kishte informata “shumë të besueshme” për një kërcënim “të rëndë” në kryeqytet. /Telegrafi/
British defence sources believe there are no military casualties following the explosion near the Baron hotel – impact on civilians not yet clear.
— Dan Sabbagh (@dansabbagh) August 26, 2021