Të paktën tre persona u vranë dhe më shumë se 30 të tjerë pësuan lëndime në një shpërthim të fuqishëm që ndodhi në një restorant të enjten, në qytetin verilindor kinez të Shenyang.
Sipas CNN, përcjell Telegrafi, shpërthimi i gazit ndodhi në një objekt banimi, derisa të lënduarit thuhet se janë dërguar për trajtim në spitale.
Zyrtarët janë ende duke hetuar shkakun e shpërthimit.
Përpjekjet e kërkimit dhe shpëtimit janë duke vazhduar me 25 kamionë zjarrfikës dhe 110 zjarrfikës të vendosur në vendngjarje të enjten vonë në mëngjes, tha departamenti lokal i zjarrit.
Fotografitë dhe videot që thuhet se janë marrë në vendin e shpërthimit – të postuara nga dëshmitarët dhe të bartura gjerësisht nga mediat shtetërore – tregojnë rrënojat nga ndërtesa; dritaret e ndërtesave aty pranë u thyen, automjetet u dëmtuan dhe rrugët u mbuluan me rrënoja. /Telegrafi/
— 大凯说 (@Booklove778) October 21, 2021