Të paktën 23 persona humbën jetën në Irak, si pasojë e një zjarri në një spital ku po trajtoheshin pacientët me coronavirus në kryeqytetin, Bagdad.
Sipas BBC, përcjell Telegrafi, incidenti ndodhi të shtunën në mbrëmje në spitalin Ibn Khatib, nga ku pësuan lëndime edhe disa persona të tjerë.
Raportet thonë se një aksident kishte bërë që një rezervar oksigjeni të shpërthente, duke shkaktuar më pas zjarrin në objekt.
Kryeministri i Irakut, Mustafa al-Kadhimi, bëri thirrje për një hetim të menjëhershëm në shkaqet e asaj që ai e quajti një “aksident tragjik”.
The fire caused many of the oxygen tanks designated to support the #COVID19 patients in the hospital to explode. #Baghdad so far dozens of victims have been reported. pic.twitter.com/OAC8Jt3jq3
— Steven Nabil (@thestevennabil) April 24, 2021
Kreu i Mbrojtjes Civile në Irak, Gjeneral Majori, Kadhim Bohan, tha se zjarri shpërtheu në njësinë e kujdesit intensiv të spitalit, në një kat “të caktuar për reanimacion pulmonar”. /Telegrafi/
