Disa nga skuadrat e mëdha të futbollit evropian mbeten në garë për trofeun e Ligës së Evropës në edicionin 2021/2022, ndërsa ndeshjet çerekfinale nuk janë larg.
Rruga drejt Sevillas po vazhdon, ndërsa e teta e finales po shkon drejt përmbylljes dhe nga 16 skuadra do të zbresin në tetë ekipe konkurrente.
Kur është shorti i Ligës së Evropës
Shorti për çerekfinalet e edicionit të sivjetmë të Ligës së Evropës do të mbahet të premten (18 mars) në zyrat e UEFA-s në Nyon të Zvicrës rreth orës 13:30, menjëherë pas shortit të Ligës së Kampionëve.
Në të njëjtën ditë përcaktohet edhe shorti për sfidat gjysmëfinale të Ligës së Evropës.
Datat e ndeshjeve çerekfinale dhe gjysmëfinale të Ligës së Evropës
Takimet e para çerekfinale të Ligës së Evropës zhvillohen më 7 prill, derisa një javë më pas (14 prill) luhen ndeshjet kthyese.
Sfidat e para gjysmëfinale janë caktuar për datën 28 prill, kurse një javë më pas (5 maj) zhvillohen ndeshjet kthyese të kësaj faze.
Finalja e madhe e Ligës së Evropës do të zhvillohet më 18 maj 2022 (e mërkurë) në stadiumin Ramon Sanchez-Pizjuan në Sevilla.
Telegrafi do t’ju mbajë të informuar në kohë reale për detajet e shortit të Ligës së Evropës.
/Telegrafi/