Shkolla e mesme profesionale “Bahri Haxha”, tashmë është në mesin e tetë shkollave në nivel vendi që është bërë pjesë e projektit “Supershkollat e Kosovës”.
Kështu ka njoftuar kryetari i Komunës së Vushtrrisë, Ferit Idrizi, shkruan Telegrafi.
Idrizi ka thënë se ky projekt fokusohet në shkëmbimin e përvojave në fushën e arsimit profesional, ku të rinjtë nga Kosova dhe Maqedonia e Veriut mund të mësojnë nga njëri-tjetri.
“Si komunë jemi të përkushtuar për ta mbështetur në vazhdimësi arsimin profesional të të rinjve tanë, si një mënyrë efektive për të lidhur të rinjtë me tregun e punës”, ka thënë Idrizi.
Ai ka përgëzuar drejtorin e shkollës dhe gjithë stafin e kësaj shkolle për këtë sukses. /Telegrafi/
