Cristiano Ronaldo e ka kaluar ditën e tij të parë në fushën stërvitore Carrington që prej rikthimit te Manchester Unitedi.
Superylli portugez u largua nga Juventusi në ditën e fundit të afatit kalimtar veror për t’u kthyer në Old Trafford, ndërsa pas suspendimit me Portugalinë për shkak të kartonëve të verdhë, ka udhëtuar më herët drejt Mançesterit.
36-vjeçari ka qëndruar për pesë ditë në karantinë me rastin e arritjes në Angli, ndërsa sot (e martë) është takuar me trajnerin Ole Gunnar Solskjaer dhe disa nga bashkëlojtarët e rinj.
Look who's arrived at Carrington! 😍 @Cristiano 🤝 Ole #MUFC
— Manchester United (@ManUtd) September 7, 2021
Kujtojmë që Ronaldo e shndërroi veten në një legjendë të Djajve të Kuq gjatë qëndrimit të parë (2003-2009) duke fituar tre tituj të Ligës Premier dhe një të Ligës së Kampionëve, ndërsa shënoi 118 gola gjatë asaj periudhe.
CR7 pritet të debutojë në fundjavë ndaj Newcastle United, ndërsa tashmë ka marrë pjesë në seancën e parë stërvitore. /Telegrafi/
