Kandidati për deputet nga koalicioni NISMA/AKR/PD, Billall Sherifi, ka thënë se NISMA ka mbrojtur sovranitetin e shtetit shumë kohë para se të vendosej taksa ndaj produkteve serbe.
Sherifi, në “Debat Plus” me Ermal Pandurin në RTV Dukagjini, ka thënë se ministri Endrit Shala i cili ven nga NISMA ka marrë vendim që produktet që nuk kanë mbishkrimin Republika e Kosovës nuk mund të hyjnë në Kosovë.
“Pra sovraniteti dhe integriteti i Kosovës është mbrojtur kur është ndërmarrë ky veprim nga ministra Shala”, tha ai, përcjell Telegrafi.
Sipas zyrtarit të NISMA-s, taksa ka pasur për qëllim bllokimin legal të mallrave serbe në Kosovë.
Sherifi thotë se Kosova me anë të taksës i është përgjigjur luftës diplomatike të Serbisë me luftë tregtare./Telegrafi/
