Radmilla Sheqerinska nga radhët e LSDM-së sot tha se me paketën e katërt të masave qeveritare për mbështetjen e qytetarëve gjatë kohës ë pandemisë, parashihen që me kartelat që ishin për një kategori e caktuar e qytetarëve të përfshinë edhe dy grupe, edhe atë të papunësuarit të cilët nuk janë paraqitur në Agjencinë për Punësim dhe pensionistët me pensione nën 15.000 denarë.
Ajo theksoi se në periudhën më të keqe të pandemisë, Qeveria ka “treguar se din të sigurojë mbrojtje të fuqishme shëndetësore, por edhe 550 milionë euro në tre paketat ekonomike”, njofton Telegrafi Maqedoni.
“Ashtu siç arritëm ta rrisim pagën minimale nga 9.000 në 14.500 denarë, s’ka dilema se do të mund që edhe më shumë ta rrisim pagën minimale në fund të mandatit dhe të jetë 20.000 denarë, ndërsa bashkërisht me pagën minimale do të rritet edhe paga mesatare”, tha Sheqerinska.
Ajo tha se për ta arritur këtë, duhet të rritet ndihma financiare ndaj kompanive në Maqedoni./Telegrafi/