Të paktën gjashtë persona po cilësohen si të zhdukur, e dhjetëra tjerë janë evakuuar në Korenë e Jugut, pas shembjes se një pjese të ndërtesës shumëkatëshe e cila ishte në ndërtim e sipër, kanë njoftuar autoritetet e atjeshme.
Ekipet e shpëtimit përkohësisht kanë ndalë operacionin e kërkim-shpëtimit në qytetin Kuandzu, nga frika se mund të vie edhe te një shembje tjetër, transmeton Telegrafi.
Operacioni i kërkim-shpëtimit mund të vazhdojë nesër, varësisht nga rezultatet e grupeve të inspektimit që vlerësojnë nëse është i sigurtë operacioni.
Besohet se të gjithë të zhdukurit po punonin në ndërtimin e objektit gjigant, ku ishin punësuar 394 persona.
Ekipet e shpëtimit nga rrënojat kanë nxjerrë tre punonjës, përfshirë dy që kishin ngecur brenda një kontejneri mbi të cilin u shemb një pjesë e ndërtesës 39 katëshe.
Akoma nuk dihet shkaku që çoi në shembjen e pjesshme të ndërtesës gjatë ditës së sotme, e dhjetëra vetura që ishin parkuar afër janë shkatërruar plotësisht si dhe 109 familje janë evakuuar nga ndërtesat afër saj.
Mediat lokale kanë filmuar edhe momentin e shembjes së ndërtesës, e cila vërtetë habiti qytetarët e shumtë që ishin dëshmitarë të kësaj ngjarje të tmerrshme. /Telegrafi/
