Xherdan Shaqiri është gati për sezonin e ri në Ligën Premier.
Mesfushori 24-vjeçar ka publikuar një fotografi në Facebook, me fanellën e skuadrës së tij Stoke, duke paralajmëruar se është gati për sezonin e ri.
“Ready for the new season!!gati per sezonin e ardhshëm!! Bereit für die neue Saison!!”, ka shkruar Shaqiri, i cili e bën paralajmërimin në tre gjuhë.
Sezoni i ri në Premierligë, fillon më 13 gusht, dhe Stoke luan në udhëtim te Middlesbrough.
Derisa Shaqiri tashmë është bërë gati për Stoken, ai ende nuk ka dhënë konfirmim zyrtar nëse është i gatshëm të lë Zvicrën dhe t’i bashkohet Kosovës për kualifikimet për botërorin e Rusisë.
