Stoke City ka gjetur golin e parë në ndeshjen e tyre në udhëtim te Bournemouthi.
Është pikërisht ylli me prejardhje shqiptare, Xherdan Shaqiri, i cili ka shënuar për epërsinë e skuadrës së tij prej 0-1.
Goli i Shaqirit erdhi pas një goditje të bukur me kokë nga gjilanasi, i cili ngjasoi në një sulmues tipike zone.
Ky gol u shënua në minutën e pestë të takimit pas asistimit të saktë të Papa Ndiaye.
Shaqiri po përjeton formë të mirë personale në këtë sezon pasi ky ishte goli i tij i pestë në Ligën Premier deri tani.
Djaloshi nga Zhegra gjithashtu ka edhe gjashtë asistime këtë sezon në kampionatin anglez. /Telegrafi/
https://www.youtube.com/watch?v=cc0srYrFXxw