Mesfushori i Stoke City, Xherdan Shaqiri, beson se skuadra e tij së shpejti do të kualifikohet në Ligën e Kampionëve.
Ish futbollisti i Bayern Munichut dhe Interit beson se stili i lojës dhe përbërja e skuadrës janë në zhvillim e sipër dhe kjo do të sjellë rezultate.
“Ne kemi ekip shumë të mirë. Mënyra se si jemi duke shkuar përpara, sigurisht, së shpejti ky ekip do të luajë në Ligën e Kampionëve”.
“Nuk them se këtë vit do të kualifikohemi në Ligën e Kampionëve, por duhet të shkojmë në Evropë”.
“Nga vendi i pestë tek vendin i nëntë skuadrat janë shumë afër njëra-tjetrës”, ka thënë Shaqa.
Shaqiri me Stoken momentalisht janë në vendin e nëntë me 39 pikë. /Telegrafi.