Napoli ishte fituesi i madh i mesjavës pasi mposhti Bolognan me rezultat 3-0 për të siguruar kualifikimin e drejtpërdrejtë në Ligën e Kampionëve për të dytin vit radhazi në tre sezone.
Mesfushori shqiptar nga Maqedonia ka për partner në qendër të mesfushës së ekipit të javës bashkëlojtarin e tij Marek Hamsik, i cili po ashtu shënoi njërin nga golat. Edhe Edinson Cavani s’ka si të mungojë në formacion, pas kontributit të tij me gol në po këtë fitore të Napolit.
Catania po ashtu ka dy lojtarë në ekipin e javës, pasi nxorën një pikë ndaj Sampdorias edhe atë falë portierit Alberto Frison dhe mbrojtësit Nicolas Spolli.
Në vazhdim më të mirët e javës në Serie zgjedhur nga portali Goal.com:
Portier: Alberto Frison (Catania)
Mbrojtës: Mehdi Benatia (Udinese); Nicolas Spolli (Catania); Gonzalo Rodriguez (Fiorentina)
Mesfushorë: Antonio Candreva (Lazio); Blerim Dzemaili (Napoli); Marek Hamsik (Napoli) Emanuele Giaccherini (Juventus)
Sulmues: Luis Muriel (Udinese); Mario Balotelli (Milan); Edinson Cavani (Napoli).
Formacioni 3-4-3
Frison
Benatia – Spolli – Rodriguez
Candreva – Dzemaili – Hamsik – Giaccherini
Muriel – Balotelli – Cavani
/Telegrafi/