Portieri Pepe Reina ishte i jashtëzakonshëm përballë Rossonerëve duke bërë mes tjerash që Mario Balotelli të humbte penaltinë e parë në karrierë, ndërsa Valon Behrami ishte luftarak në mesfushë.
Forma e mirë e Romës u shoqërua me një tjetër paraqitje të mrekullueshme të kapitenit legjendar Francesco Totti, i cili asistoi në golin e parë, të cilin e shënoi Federico Balzaretti.
Kampioni në fuqi, Juventus, ishte shumë më i fortë se Hellas Verona, por rezultati (2-1) nuk e reflekton atë që u zhvillua në fushë. Carlos Tevez ishte përsëri protagonist, ndërsa shënoi edhe transferi tjetër Fernando Llorente.
Interi nëpërkëmbi Sassuolon në udhëtim me rezultat 7-0 dhe dominon formacionin e javës me katër lojtar, në mes të të cilëve gjendet edhe veterani Diego Milito, i cili u rikthye dhe u inkuadrua nga banka rezervë për të shënuar dy gola.
Formacioni i javës së katërt në Serie A (4-3-3):
Portier: Pepe Reina (Napoli)
Mbrojtës: Yuto Nagatomo (Inter), Nicola Legrottaglie (Catania), Leandro Castan (Roma), Federico Balzaretti (Roma).
Mesfushorë: Valon Behrami (Napoli), Esteban Cambiasso (Inter), Saphir Taider (Inter).
Sulmues: Carlos Tevez (Juventus), Diego Milito (Inter), Francesco Totti (Roma).
/Telegrafi/