Komentet e Paul Scholes në lidhje me mbrojtjen e Manchester United që është më e fortë se ajo e Chelseat janë rishfaqur pas humbjes 5-0 të së dielës ndaj Liverpoolit.
Djajtë e Kuq u turpëruan në Old Trafford, me tifozët e tyre që filluan të largoheshin nga stadiumi në minutën e 60-të.
Kjo do të thotë se ata kanë pranuar tani 15 gola në Ligën Premier këtë sezon, pesë herë më shumë se lideri aktual i ligës, Chelsea.
Kjo është një situatë e vështirë për Scholes, i cili javën e kaluar këmbënguli që United ka një mbrojtje më të fortë se Chelsea.
“Vërtet?” U përgjigj Scholes i habitur. “Epo, Liverpooli ka qendërmbrojtësit më të mirë, [Manchester] City ka dy të mrekullueshëm, mendoj se United ka dy shumë të mirë”.
“Unë mendoj se Chelsea ka më të dobëtën nga katër vendet e para në mbrojtje”.
Epo, kjo nuk i ka shkuar aspak mirë legjendës së Djajve të Kuq.
Vetëm të dielën mbrëma, Unitedi pranoi pesë gola nga Liverpooli, derisa Chelsea është lider i Ligës Premier, e kjo meritë i shkon më shumë mbrojtjes së tyre. /Telegrafi/
— SPORTbible (@sportbible) October 24, 2021