Legjenda e Manchester Unitedit, Paul Scholes ka thënë se mesfushori portugez, Bruno Fernandes po “bëhet problem” për ekipin.
Fernandes bëri një tjetër paraqitje të dobët sot (e shtunë) teksa Unitedi u ndal në një barazim zhgënjyes 1-1 nga Southampton në Old Trafford.
Mesfushori portugez ishte me fat që shmangu ndëshkimin në pjesën e dytë, pasi u shfaq duke goditur me grusht mesfushorin e Southamptonit, James Ward-Prowse.
Fernandes u veçua për kritika pas përfundimit të ndeshjes nga Scholes, i cili gjithashtu vuri në dyshim taktikat e menaxherit të përkohshëm Ralf Rangnick.
“Rangnick u përpoq të fillonte me një 4-3-3, McTominay duke mbrojtur dhe Fernandes dhe Pogba duke luajtur më lart”, ka thënë fillimisht Scholes për BT Sport.
“Më pas ai e ktheu Pogban dhe e shtyu Fernandes më lart, mendoj se Fernandes mund të jetë pak problem”.
“Sado që ai është një djalë i talentuar, kur erdhi për herë të parë në Angli, ai shënoi kaq shumë gola të mirë, aq shumë asistime, por ai është në të gjithë fushën e futbollit”, përfundoi anglezi.
“It’s been a bad six or seven months.”
“The season’s not been good enough.”
“One team have got a proper Coach, the other team has a Sporting Director.”
Paul Scholes pulls no punches in his assessment of where Man Utd currently stand… 😐 pic.twitter.com/PXCmh6liA2
— Football on BT Sport (@btsportfootball) February 12, 2022
Fernandes u transferua te Unitedi nga Sporting Lisbona në afatin kalimtar të janarit të sezonit 2019/20 , duke shënuar 12 gola në 22 ndeshje në gjashtë muajt e tij të parë në klub.
Ai më pas e vazhdoi atë me një sezon të dytë të shkëlqyer në Old Trafford, duke shënuar 28 gola në 58 ndeshje për Djajtë e Kuq.
Megjithatë, ai ka luftuar për të prodhuar formën e tij më të mirë këtë sezon, duke shënuar vetëm shtatë gola në 31 ndeshje në të gjitha garat, që përfshin një het-trik kundër Leeds United. /Telegrafi/