Jadon Sancho ka bërë histori te Borussia Dortmundi duke regjistruar golin e tij të 25-të në Bundesliga përpara se të arrijë ditëlindjen e tij të 20-të.
Reprezentuesi anglez shënoi golin e parë në fitoren 5-0 të Dortmundit kundër Union Berlinit.
Kishte vetëm 13 minuta lojë kur Sancho hapi rezultatin për fitoren e madhe të ekipit të Lucien Favre.
Ky gol ishte i 12-ti sezonal për sulmuesin anësor anglez, i cili ka edhe 12 asistime deri më tani në Bundesliga.
Me këtë gol, Sancho ka arritur në kuotën e 25 golave deri më tani në Bundesliga dhe ky do të thotë rekord për të dhe kampionatin gjerman.
25 – @Sanchooo10 became the first player in the #Bundesliga history to reach the mark of 25 Bundesliga goals before his 20th birthday. Unique. #BVBFCU @BlackYellow pic.twitter.com/rqi3e8xGBR
— OptaFranz (@OptaFranz) February 1, 2020
Sancho bëhet lojtari i parë në histori që arrin këtë numër të golave pa i mbushur ende 20 vjet.
Asnjë lojtar në historinë e Bundesligës nuk ka qenë kaq i frytshëm në një fazë kaq të hershme të karrierës së tyre dhe 25 golat e tij vijnë nga 64 paraqitje. /Telegrafi/