Mënyra e vetme për të përgatitur veten është të qëndroni beqar. Duhet ta njihni veten në një nivel më intim dhe të thellë dhe këtë mund ta arrini duke kaluar shumë kohë vetëm.
Këto janë disa nga arsyet se pse sa më shumë kohë të kaloni vetëm, aq më e mirë do të jetë marrëdhënia juaj.
Mësoni të njihni veten
Njerëzit kalojnë shumë kohë duke vënë fasada për të tjerët. Pretendojnë të jenë njerëz që nuk janë. Kur përpiqen shumë të përshtaten me të tjerët shpesh pa e kuptuar ne humbasin veten.
Të gjithë ndryshojnë me kohën, por jo të gjithë rriten. Kjo ndodh natyrshëm dhe nuk ka asgjë të keqe. Kur ju jeni vetëm dhe filloni të eksploroni se kush jeni, mendoni gjithmonë se kush do donit të ishit dhe do e njihni veten përsëri. Kështu do të kuptoni se çfarë është e rëndësishme për ju.
Kjo është më e vështirë se sa e mendoni. Disa zakone të vjetra është e vështirë të largohen dhe e vetmja mënyrë për ta arritur është duke qëndruar vetëm.
Duhet të jeni në rregull me të qenurit vetëm. Duhet të kuptoni që ju mjafton vetja juaj.
Është e kuptueshme që ju do të donit dikë në jetën tuaj dhe nuk doni të ndiheni vetëm. Askush nuk e do këtë. Mirëpo duhet të jeni të lumtur me veten tuaj. Lumturia dhe dëshira për jetën nuk duhet të varet nga dikush tjetër. Kjo nuk është diçka e keqe, por është e ndryshme dhe mund të mësoheni me diçka ndryshe.
Mësoni të përshtateni
Disa ditë mund të jenë të lodhshme dhe do të keni nevojë të ndjeni lumturi, por një marrëdhënie nuk do t’jua sjellë. Ju e zgjidhni vet mënyrën se si do e perceptoni botën.
Nëse realizoni këtë dhe e shihni gjithmonë botën në mënyrën tuaj është në rregull. Nëse e sforconi veten për ta ndryshuar, mund ta bëni. Nëse mundeni të ndryshoni realitetin, do të jeni më të lumtur me veten dhe me mënyrën se si e kontrolloni veten tuaj.
Duke u përfshirë në një marrëdhënie kur jeni emocionalisht dhe mendërisht gati pakëson shancet që ajo të dështojë.
Sa më shumë kohë të jeni beqarë, sa më shumë kohë të kaloni duke njohur dhe kuptuar veten, aq më shumë mundësi ka që marrëdhënia juaj e ardhshme të zgjasë. /Telegrafi/