Site icon Telegrafi

Festë e çmendur, emocionuese dhe e pabesueshme – trajneri i Portos inkuadroi djalin e tij 19-vjeçar dhe ky shënoi pas dy minutave golin e fitores

Shkumbin Pireva

Trajneri i Portos, Sergio Conceicao ka përjetuar një lumturi të madhe gjatë fitores së minutave të fundit ndaj Estoril në Primer Liga të Portugalisë, pasi përveç tri pikëve, goli i fitores erdhi nga djali i tij 19-vjeçar Francisco Conceicao.

Porto arriti t’i marrë tri pikë shumë të vlefshme në minutat e fundit, pas fitores 3-2 ndaj Estoril të shtunën në mbrëmje.

Liderët e ligës portugeze ishin duke humbur 2-0 pas 45 minutave të parë falë golave ​​të Arthur dhe Andre Franco.

Por, pjesa e dytë ishte e çmendur për Porton, pasi Mehdi Taremi (49’) shënoi për 1-2 dhe Luiz Dias (84’) barazoi shifrat në 2-2, ndërsa pesë minuta më vonë asistoi golin e fitores për ekipin e tij.

Dhe si për fat, djali i trajnerit Sergio Conceicao, Francisco, ishte lojtari që përfitoi nga shkëlqimi i Diaz për të siguruar fitoren e vonshme për Porton.

Francisco u inkuadrua në lojë në minutën e 87-të dhe pas vetëm dy minutave në fushë u gjend mirë në zonë për të shënuar golin e fitores 3-2.

Çuditërisht, goli i 19-vjeçarit ndezi skena të çmendura të festës, me babanë e tij, i cili është edhe trajner i skuadrës, të përfshirë shumë në festë dhe shumë emocional.

Nga festa e madhe me të birin, Sergio i ekzaltuar shpërndau disa shuplaka dashurie për të birin e tij, i cili tashmë po ndjek hapat e ish-yllit të madh portugez. /Telegrafi/

Exit mobile version