Organizatori i famshëm i turneve ESL, ka zgjedhur Oleksandr ‘s1mple’ Kostyliev si lojtarin më të mirë të CS:GO për vitin 2022.
Lojtari ukrainas, s1mple, i cili cilësohet si më i miri i të gjitha kohërave në CS:GO, është zgjedhur më i miri për vitin 2022 nga organizatori i turneve ESL.
Ky është çmimi i dytë që s1mple e fiton si më i miri i vitit 2022, pasi disa javë më parë këtë çmim e fitoi edhe gjatë shfaqjes së çmimeve nga HLTV.
S1mple i cili luan për ekipin ukrainas Na’Vi po vazhdon të qëndroj në formë fantastike edhe në moshën 25 vjeçare.
The CS:GO player of the year for 2022 is;@s1mpleO 👏
Was there ever any doubt? The best player to ever play the game. pic.twitter.com/WFAbf4w4Ib
— ESL Counter-Strike (@ESLCS) February 11, 2023
ESL gjithashtu më parë kishte kurorëzuar s1mple-n me çmimin si lojtari më i mirë i dekadës, ky çmim iu nda gjatë turneut IEM Rio Major.
S1mple dhe ekipi i tij ishin pjesë e turneut IEM Katowice, ku u eliminuan nga ekipi Heroic, për ta përfunduar garën në vendin e 3-4. /Telegrafi/