Dëmtimet në rrugë vazhdojnë të jenë një shqetësim i madh për qytetarët, duke penguar lëvizjen e lirë dhe duke rritur rrezikun e aksidenteve.
Një qytetar ka shprehur pakënaqësinë e tij për gjendjen e infrastrukturës në rrugën Kllokot-Viti, duke vënë në pah dëmtimet e shumta në këtë segment rrugor.
“Rruga Kllokot-Viti, në një gjatësi prej disa kilometrash, është e mbushur me gropa të shumta,” ka shkruar ai, duke ndarë gjithashtu pamje që tregojnë gjendjen aktuale të rrugës.
Ndërkohë, platforma ndreqe.com vazhdon të shërbejë si një mjet i rëndësishëm për qytetarët që dëshirojnë të raportojnë problemet infrastrukturore dhe të shprehin shqetësimet e tyre për mjedisin që i rrethon. /Telegrafi/
