Është vetëm 20 vjeç, por tashmë Kylian Mbappe e ka fituar titullin e Ligue 1 tri herë.
Që nga debutimi i tij me Monacon në sezonin 2015/16, ai e ka fituar kampionatin me secilin klub që ka luajtur.
Në të njëjtën kohë, numrat e tij individualë janë rritur me një ritëm të frikshëm dhe kjo është e përshkruar në grafikun e mëposhtëm.
Paraqitjet e tij janë rritur me kohë duke shkuar nga 14 në 44 në 46 deri në 40 ndeshje (aktualisht).
Edhe golat janë rritur nga një në 26, te 21 dhe 36, aktualisht, ndërsa asistimet kanë shkuar nga një në 14 , 15 dhe 17.
Kanë mbetur edhe pesë ndeshje që duhet të zhvillohen, dhe këto statistika për sezonin 2018/19 mund të rriten.
Ky sezon solli përgjegjësi shtesë për të si një lider i ekipit, duke i marrë parasysh lëndimet e pësuara të Neymar dhe Edinson Cavanit.
“Gjithçka që kam arritur deri tani ka qenë e rëndësishme, por unë ende kam shumë për të dhënë”.
“Mua më mungon një qëndrueshmëri dhe nuk mund të arrij gjithçka në vetëm dy vjet”, tha lojtari pasi fitoi çmimin Kopa në dhjetor.
Ai nuk ka rival në Francë pasi është 11 gola sulmuesit të Lilles, Nikolas Pepe.
Në Evropë, vetëm Lionel Messi është përpara tij në garë për Këpucën e Artë, pasi Argjentinasi ka 33 gola dhe francezi ka 30.
Me këto shifrat shumë flitet për një eksperiencë të re për lojtarin në një kampionat më të fortë.
Vlera e Mbappe është më e larta nga e të gjithë lojtarëve aktualë, sipas CIES Football Observatory.
Ata e vlerësojnë atë në 216 milionë euro.
Kane (197 milion euro), Neymar (197 milion euro), Mohamed Salah (173 milion euro) dhe Lionel Messi (170 milion euro), vijnë pas tij. /Telegrafi/