Klubi i futbollit Borussia Dortmund njoftoi sot (e enjte) se 54.934 tifozë kanë ripërtërirë biletat sezonale për sezonin e ardhshëm 2017-18.
Siç thuhet, 99,88 për qind nga 55.000 pronarë të biletave sezonale nga viti i kaluar, ka vendosur që edhe këtë vit të blejnë biletën vjetore, derisa një gjë të tillë nuk e kanë bërë vetëm 66 tifozë.
Sezonin e kaluar biletën vjetore nuk e kishin ripërtërirë 84 tifozë të Borussia, ndërsa një vit më herët ky numër ishte 93, shumica prej tyre për arsye private, ose ndërrimit të vendbanimit, thuhet në kumtesë.
Borussia Dortmund ka shikueshmëri të madhe të ndeshjeve në terrenin vendor (79.712), pasuar nga Barcelona (77.944) dhe Mançester United (75.290).