Odise Roshi ka gjetur golin e parë në Rusi për këtë sezon, me klubin e Akhmat Groznit.
Anësori i Kombëtares Shqiptare ka shënuar golin e dytë, në minutën e 87-të, në fitoren 0-2 ndaj Anzhit.
Roshi shënoi pas një kundërsulmi, në minutat e fundit të takimit, ku portieri kundërshtar nuk kishte çfarë të bënte.
Golin e parë e kishte shënuar Rodolfo, në pjesën e parë.
Pas kësaj fitore, Akmat Grozni renditet në vendin e 8-të në klasifikim, me 38 pikë.
Roshi u fut në pjesën e dytë në vend të Bernard Berishës, ndërsa nga fillimi luajti edhe sulmuesi shtatlartë Bekim Balaj.
Ai luajti deri në minutën e 66-të.
Berisha dhe Roshi u ndëshkuan me kartonë të verdhë. /Telegrafi/
