Wayne Rooney beson se lojtarët e Manchester Unitedit ende duan që të luajnë nën direktivat e Jose Mourinhos përkundër vuajtjeve.
United është në vendin e tetë në Ligën Premier, nëntë pikë prapa Cityt dhe Liverpoolit që po kryesojnë tabelën.
Sidoqoftë, United ka tri ndeshjeve pa humbje dhe Rooney që fitoi pesë tituj të Ligës Premier thotë se lojtarët vazhdojnë të qëndrojnë prapa Mourinhos.
“Sigurisht se ata po kalojnë në moment të vështirë, por Jose Mourinho është shumë me përvojë dhe mendoj se disa lojtarë mund të luajnë më mirë”.
“Shpresoj se mund t’i kthejnë gjërat për së mbari, të fitojnë më shumë ndeshje dhe të mbajnë presionin në majen e tabelës, aty ku dua t’i shoh”.
Open for a #MondayMotivation message. #MUFC pic.twitter.com/WjNQEWBiYI
— Manchester United (@ManUtd) October 29, 2018
“Nga përvoja ime, kurrë nuk kam dëgjuar për lojtarë që nuk dëshirojnë të luajnë për shkak të përplasjeve me trajnerin”.
“Unë nuk mendoj se një lojtar mund ta bëjë këtë. Nuk mendoj se ndonjë lojtar te United mund të mos luajë për shkak të Joses, jam i sigurtë se ata po punojnë shumë prapa skenave për rezultate”, deklaroi Rooney.
United këtë fundjavë i shkon Bournemouthit që është në formë të lartë dhe në vendin e gjashtë. /Telegrafi/