Kapiteni i gjigantit anglez, Manchester United, Wayne Rooney, ka hyrë në histori të klubit.
Ai me golin e tij të realizuar ndaj Readingut në kuadër të FA Cup ka barazuar rekordin e golave të Sir Bobby Charlton.
Rooney arriti të realizojë golin e 249-të, po aq sa ka edhe Charlton si realizatori më i mirë në historinë e Djajve të Kuq.
Këtë rekord rooney e arriti për katër vjet e 215 ndeshje më shpejt se sa vet Charlton.
Rooney kështu do të ketë rastin që shumë shpejt të hyjë në histori të Manchester United si realizatori më i mirë dhe atij i nevojitet vetëm edhe një gol për këtë.
Rooney ka thyer edhe rekordin e Charlton në kombëtaren angleze dhe kështu mban dy rekorde, me klubin dhe kombëtaren.
Shumë mund ta nënvlerësojnë Rooneyn, por ai tash edhe zyrtarisht është bërë një prej legjendave të Manchester United, ashtu sikurse të kombëtares angleze, si një prej lojtarëve më të suksesshëm që ka njohur klubi dhe kombëtarja e tij. /Telegrafi/