Legjenda braziliane, Ronaldo, pritet të bëhet aksionari kryesor i Real Valladolidit, ku do të investojë 30 milionë euro.
Ish-sulmuesi i Barcelonës dhe Real Madridit është në bisedime të avancuara për të inevstuar te klubi i promovuar në La Liga.
Në këtë mënyrë, ai do të bëhej edhe president i ri duke zënë vendin e Carlos Suarez, i cili do të mbetet në bordin e klubit në rolin e shefit ekzekutiv.
Përfaqësuesit e klubit spanjoll me muaj të tërë janë në kërkim të një investuesi të ri, ndërsa bisedimet me biznesmenin meksikan, Ernesto Tinajero, dështuan, edhe pse kishin nënshkruar parakontratë.
Që në muajin janar, Ronaldo kishte shprehur interesimin e tij për të blerë një klub në Spanjë ose në Angli, por nga liga e dytë.
¿No has escuchado el inicio de @ElLarguero?
Dale al play para saber a qué equipo español llegará Ronaldo Nazario https://t.co/5bMf79sgdE pic.twitter.com/8oRdK0sgs7
— El Larguero (@ellarguero) August 27, 2018
Që atëherë, Valladolidi arriti të promovohej në La Liga, pas mungesës pesëvjeçare. Në ndeshjen e parë luajti baras ndaj Gironas, ndërsa në sfidën e dytë pësoi nga Barcelona.
Paratë e investuara nga Fenomeni do ta mbulonin borxhin e klubit prej 25 milionë eurosh.
Në të kaluarën, Ronaldo ka qenë aksionar në klubin nga liga veriore amerikane (NASL), Fort Lauderdale Strikers. /Telegrafi/