Futbollisti i famshëm brazilian, Ronaldinho do të luajë sërish futboll pas nënshkrimit me Porcinos FC, klub që luan në Kings League.
Ronaldinho do të luajë sërish në Barcelonë, por jo në stadiumin Camp Nou, por në stadiumin e vogël Cupra.
Ai do të jetë lojtari i 12-të i skuadrës së Porcinos FC, që do të luajë kundër PIO FC.
Kings League u themelua nga ish-mbrojtësi i Barcelonës Gerard Pique dhe transmetuesi i njohur Ibai Llanos, dhe transmetimet e ndeshjeve janë të disponueshme në mbarë botën.
Liga ka disa sponsorë, dhe audienca mesatare është më shumë se 7 milionë.
Para Ronaldinhos, garës iu bashkuan futbollistët e famshëm Chicharito dhe Sergio Aguero./Telegrafi/