Roma triumfon në frymën e fundit ndaj Salernitanas

Roma ka triumfuar ndaj Salernitanas në kuadër të javës së 32-të në Serie A, me rezultat 2-1.

Mysafirët kaluan të parët në epërsi me anë të Ivan Radovanovic, që u asistua prej Franck Riberys në minutën e 22-të.

Me këtë gol, dy skuadrat shkuan në pushimin mes pjesëve.

45 minutat e dytë ishin të gjithë të Giallorossëve, që jo vetëm se barazuan shifrat, por edhe kaluan në epërsi.

Golin e parë për vendasit e shënoi Carles Perez në minutën e 82-të, që u asitua prej Henrikh Mkhitaryan.

Tre minuta më vonë, Roma shënoi edhe të dytin, tani me anë të Chris Smalling, që realizoi nga një harkim i Jordan Veretout.

Pas javës së 32-të, Roma gjendet në vendin e pestë me 57 pikë, ndërsa në xhiron e 33-të takohet me Napolin. /Telegrafi/