Roma ka fituar në sekondat e fundit të takimit me rezultat 2-1 ndaj Leccen në kuadër të javës së 11-të në Serie A.
Pas vetëm pesë minutash lojë, Giallorossët fituan penallti, por që Romelu Lukaku dështoi të shënonte nga pika e bardhë.
Në minutën e 25-të, Edoardo Bove goditi me vollej, por që portieri bëri një pritje brilante.
5': Falcone para un rigore a Lukaku, dopo il fallo di mano di Baschirotto#RomaLecce 0-0
— AS Roma (@OfficialASRoma) November 5, 2023
Në 45 minutat e dytë, Roma vazhdoi me kërkimin e golit të epërsisë, derisa ishte një situatë dramatike deri në sekondat e fundit të takimit.
Marin Pongracic dhe Nikola Krstovic dështuan të shënonin për Leccen në fillim të pjesës së dytë.
Në anën tjetër, Lukaku në minutën e 54-të nuk ia doli të shënonte nga afërsia.
72': Lecce in vantaggio #RomaLecce 0-1
— AS Roma (@OfficialASRoma) November 5, 2023
Ishte minuta e 72-të e takimit kur Pontus Almqvist pranoi asistimin nga Lameck Banda, për rezultatin 1-0.
Sardar Azmoun realizoi në minutën e 90+2-të, duke filluar rikthimin e Romës.
LUKAKU! AL 94'!#RomaLecce 2-1 pic.twitter.com/udQ3vN19aj
— AS Roma (@OfficialASRoma) November 5, 2023
Për t’u siguruar tri pikë romakëve u përkujdes Lukaku, që shënoi në minutën e 90+4-të.
Pas javës së 11-të, Roma gjendet në vendin e shtatë me 17 pikë, ndërsa në xhiron e 12-të do të takohet me Lazion. /Telegrafi/