Roma ka barazuar me Genoan me rezultat 0-0 në kuadër të javës së 23-të të Serie A.
Ndeshja nisi më mirë për Romën që rrezikoi në minutën e 9-të me Henrikh Mkhitartyan, i cili u rrëzua në zonë, por gjyqtari heshti, duke mos dhënë penallti.
Genoa u kundërpërgjigj pas pesë minutash, kur Caleb Ekuban, krijoi hapësirë në zonë dhe gjuajti, por Rui Patricio ishte ai që bëri pritje të mirë.
Rastin e fundin në pjesën e parë e kishte Genoa, kur Kelvin Yeboah gjuan, por mbi portë.
Secondo tempo!
DAJE ROMA 🟡🔴#RomaGenoa 0-0 pic.twitter.com/ua1q2jgTu1
— AS Roma (@OfficialASRoma) February 5, 2022
Pjesa e dytë nisi më mirë për Romën, që rrezikuan të parët në minutën e 55-të, kur Chris Smalling kishte rast të mirë, por goditja e tij me kokë nuk qëlloi cakun.
Në minutën e 66-të, rrezikoi edhe Tammy Abraham, por goditja e tij u bllokua nga mbrojtja.
Genoa mbeti me 10 lojtarë në minutën e 68-të, kur Leo Ostigard u ndëshkua me karton të kuq.
Roma edhe pse me një lojtarë më shumë nuk arriti të krijojë raste deri në minutën e 90-të.
Por në minutën e parë të kohës shtesë Nicolo Zaniolo shënoi një gol të bukur, por i cili u anulua pasi u shikua në VAR për një goditje dënimi të shkaktuar gjatë aksionit.
Triplice fischio.
Nel finale annullato un gol a Zaniolo, che viene anche espulso da Abisso. #RomaGenoa pic.twitter.com/9bwlteZDsT
— AS Roma (@OfficialASRoma) February 5, 2022
Roma nuk arriti të shënojë dhe u desh të pajtohet me barazim, që e lë në pozitën e gjashtë me 38 pikë./Telegrafi/