Marash Kumbulla do të vazhdoj qëndrimin te Roma, së paku kështu aludohet pasi ka nënshkruar kontratë të re.
Qendërmbrojtësi shqiptar po kalon vitin e tij të tretë në kryeqytetin italian që nga transferimi prej Veronës në verën e vitit 2020.
Roma ka paguar në total rreth 30 milionë euro për shqiptarin, i cili megjithatë ende nuk i ka arsyetuar paratë e shpenzuara.
23-vjeçari ka pasur kontratë me Romën deri në verën e vitit 2025, por atij tani i është zgjatur kontrata edhe për dy vite të tjera dhe është i lidhur me Romën deri në vitin 2027.
Roma e mori këtë vendim falë disa klauzolave që ishin në kontratën e mëparshme që i siguronin një vazhdim automatik qendërmbrojtësit shqiptar.
Por me kontratën e re do të ketë edhe rritje të pagës, pasi Kumbulla nga 1,3 milionë sa kishte pagën më herët tani do të jetë më i pasur për 200 mijë euro në vit.
La Gazzetta dello Sport ka raportuar se kontrata për Kumbullën ka ardhur për mos t’i rënë edhe vlera në tregun e transferimeve, pasi ai mund të largohet sërish në verë ku shumë skuadra italiane kanë shprehur interesim.
Reprezentuesi shqiptar këtë edicion ka zhvilluar vetëm 10 ndeshje në të gjitha garat ku ka realizuar edhe një gol. /Telegrafi/